कटहल खाए के गजब के फायदा!

कटहल बहुत स्वादिष्ट आ फायदेमंद फल ह। एकरा के खईला से शरीर में बहुत पोषक तत्व मिलेला। 

आईं जानल जाओ कटहल खाए के सात प्रमुख फायदा के बारे में!

शरीर के प्रतिरक्षा बढ़ावेला

कटहल में jacalin lectin नाम के एगो खास यौगिक होखेला जवन कि शरीर के बेमारी से बचावे में मदद करेला।

इ यौगिक शरीर के भीतर मौजूद WBC के मजबूत करेला अवुरी ओकरा बाद इ WBC शरीर के बेमारी से बचावेले।

कटहल में विटामिन सी भी होला जवन शरीर के प्रतिरक्षा बढ़ावे में मदद करेला। अगर प्रतिरक्षा मजबूत बा त फेर सर्दी, खांसी, बोखार अवुरी बाकी गंभीर बेमारी आसानी से ना होई।

हड्डी के मजबूत बनावेला

कैल्शियम आ मैग्नीशियम जइसन खनिज कटहल में पावल जाला। इ दुनो खनिज हड्डी के मजबूत बनावेला। अगर शरीर में कैल्शियम के कमी होखे त हड्डी कमजोर होखे लागेला अवुरी हड्डी के फ्रैक्चर के खतरा भी बढ़ जाला।

कटहल खईला से हड्डी में जरूरी पोषक तत्व मिलेला अवुरी उ मजबूत रहेले। जोड़ में दर्द होखेवाला लोग खाती भी कटहल खईला से फायदेमंद हो सकता।

 दिल खातिर बढ़िया

कटहल में पोटेशियम नाम के खनिज होखेला जवन दिल खाती बहुत जरूरी होखेला। इ खनिज ब्लड प्रेशर के संतुलित राखेला अवुरी हाई ब्लड प्रेशर के कम करे में भी मदद करेला।

अगर ब्लड प्रेशर सही रही त दिल भी स्वस्थ रही अवुरी हार्ट अटैक चाहे स्ट्रोक जईसन गंभीर बेमारी के खतरा भी कम हो जाई।

एकरा अलावे कटहल में एंटीऑक्सीडेंट भी होखेला, जवन कि शरीर में बैड कोलेस्ट्रॉल (LDL) के कम करे में मदद करेला। एकरा से खून के नली साफ रहेला अवुरी खून दिल तक ठीक से पहुंचेला।

पाचन तंत्र के सही रखेला

कटहल में बहुत फाइबर पावल जाला अवुरी फाइबर पेट के साफ राखे में मदद करेला। अगर पेट सही बा त कब्ज अवुरी गैस के कवनो दिक्कत ना होई।

जवना लोग के खाना पचावे में परेशानी होखेला, ओ लोग खाती कटहल खईल निमन हो सकता। एकरा में फ्लेवोनोइड अवुरी फिनोलिक एसिड जईसन बायोएक्टिव यौगिक होखेला, जवन कि आंत के मजबूत करेला अवुरी ओकरा के बढ़िया से काम करे में मदद करेला।

अगर रोज कम मात्रा में कटहल खाइल जाला त पेट से जुड़ल समस्या कम हो सकता।

शरीर के ऊर्जा देला

कटहल में कार्बोहाइड्रेट अवुरी कैलोरी के बढ़िया मात्रा होखेला। इ दुनो चीज़ शरीर के तुरंत ऊर्जा देवे के काम करेला।

अगर केहू कमजोर महसूस करेला भा जल्दी थक जाला त कटहल खईला से बहुत फायदा हो सकता। एकरा में मौजूद विटामिन ए, बी अवुरी सी शरीर के मजबूत करे में मदद करेला। एकरा अलावे कटहल खईला से मांसपेशी मजबूत हो जाले अवुरी शरीर भी दिन भर सक्रिय रहेला।

खून के कमी दूर करेला

कटहल में आयरन मिलेला अवुरी आयरन शरीर में खून बढ़ावे के काम करेला। अगर शरीर में खून के कमी होखे त ओकरा कमजोर महसूस होखे लागेला, चक्कर आवे लागेला अवुरी सांस लेवे में परेशानी होखेला। एह समस्या के एनीमिया कहल जाला।

कटहल खईला से शरीर में आयरन मिलेला, जवना से खून के मात्रा बढ़ जाला। एहसे जदी आपके आयरन के कमी बा, त रोज के आहार में कटहल के जरूर शामिल करीं।

त्वचा अवुरी बाल खाती मददगार

कटहल में विटामिन A अवुरी विटामिन C होखेला, जवन कि त्वचा अवुरी बाल खाती बहुत फायदेमंद होखेला। अगर त्वचा सूखल अवुरी बेजान लागता त कटहल खईला से ओकरा में नमी आ सकता अवुरी त्वचा चमकदार हो सकता।

एकरा में मौजूद एंटीऑक्सीडेंट झुर्री के कम करे में मदद करेला, जवना के चलते चेहरा जवान देखाई देवेला। कटहल में मौजूद बायोटिन (विटामिन B 7) बाल गिरला से रोक सकता अवुरी बाल के मजबूत भी बना सकता।

अगर कटहल सही मात्रा में खाइल जाव त एकरा से पूरा शरीर के फायदा हो सकता। त एकरा के अपना खानपान में शामिल करे के मत भूलीं

Source:- 1. https://pmc.ncbi.nlm.nih.gov/articles/PMC8862346/ 

                 2. https://pmc.ncbi.nlm.nih.gov/articles/PMC10743863/ 

                 3. https://pmc.ncbi.nlm.nih.gov/articles/PMC8862346/ 

                 4. https://pubmed.ncbi.nlm.nih.gov/36493473/ 

                 5. https://pubmed.ncbi.nlm.nih.gov/35144492/