का गर्मी में खरबूजा खईला से शरीर ताज़ा हो जाला ?

खरबूजा एगो मीठ अवुरी रसदार फल ह, जवना के गर्मी में बहुत खईल जाला, काहेंकी इ शरीर के ठंडा क देवेला।

एकरा में पानी, विटामिन, अवुरी खनिज के भरपूर मात्रा होखेला जवन कि शरीर खाती बहुत फायदेमंद होखेला।

आईं खरबूजा के फायदा समझल जाव:

1. खरबूजा शरीर के हाइड्रेट करेला

गर्मी में पसीना आवे के चलते हमनी के शरीर में पानी के कमी हो जाला। लेकिन, खरबूजा में लगभग 90% पानी होखेला जवन कि शरीर के फेर से हाइड्रेट करेला अवुरी एकर तापमान भी बना के राखेला।

खरबूजा में मौजूद पोटेशियम शरीर के इलेक्ट्रोलाइट संतुलन के सही राखेला। एहसे शरीर में ऊर्जा बनल रहेला अवुरी थकान ना लागेला।

2 खरबूजा पाचन में सुधार करेला

गर्मी के मौसम में खाना के सही तरीका से पचावल तनी मुश्किल हो सकता। लेकिन, खरबूजा में बहुत फाइबर होखेला जवन कि पाचन में सुधार करे में मदद क सकता।

फाइबर खाना के सही तरीका से तोड़े अवुरी पेट के साफ राखे में मदद करेला। एकर Enzyme पेट के ठंडा भी करेला, जवना से एसिडिटी ना होखेला। एहसे खरबूजा खईला से पेट हल्का अवुरी आराम मिलेला।

नियमित रूप से खरबूजा खईला से कब्ज के समस्या भी दूर रहेला।

3. खरबूजा त्वचा के स्वस्थ बनावेला

गर्मी में त्वचा सूखल अवुरी बेजान हो जाला। आ, खरबूजा में Vitamin C भरपूर मात्रा में होखेला जवन कि त्वचा खाती बहुत निमन होखेला। Vitamin C त्वचा के कोशिका के ठीक करेला अवुरी त्वचा के एगो नाया चमक भी देवेला।

एकरा में मौजूद एंटीऑक्सीडेंट त्वचा के धूप के गर्मी से भी बचावेला। एहसे गर्मी में खरबूजा खईला से पिंपल्स अवुरी सूखापन कम हो जाला।

4. खरबूजा ब्लड प्रेशर के नियंत्रित करेला

गर्मी में पानी के कमी से भी ब्लड प्रेशर बढ़ सकता। लेकिन, खरबूजा में पोटेशियम होखेला जवन कि ब्लड प्रेशर के संतुलन बनावेला। पोटेशियम खून के नली के आराम देवेला, जवना से खून के बहाव आसान हो जाला।

एकरा में पानी के मात्रा जादा होखला से खून के मात्रा भी सही रहेला। एकरा अलावे खरबूजा में मौजूद एंटीऑक्सीडेंट भी दिल के स्वस्थ राखेला।

5. आंख खातिर फायदेमंद

गर्मी में सूरज के रोशनी से भी आंख के नुकसान हो सकता। लेकिन, खरबूजा में मौजूद विटामिन ए आंख के रोशनी में सुधार करेला अवुरी सूरज के कठोर किरण से भी बचावेला।

त रउरा का इंतजार करत बानी? एह स्वादिष्ट आ स्वस्थ खरबूजा के अपना गर्मी के आहार में शामिल करीं!

Source:-1. https://pmc.ncbi.nlm.nih.gov/articles/PMC8469201/ 

                2. https://www.webmd.com/food-recipes/cantaloupe-health-benefits